KOS EN SPRAAK LOOP HAND –AAN- HAND? KAN DIT WEES? JA DEFINITIEF!

Daardie eerste happie kos – ag is dit nie oulik nie? Die gesig wat trek of lyfie wat so gril! Soveel van ons lê daardie eerste happie vas op kamera , baba het begin eet. Dis iets om altyd te onthou. Die eerste happie. Kossies is belangrik vir baba se fisieke ontwikkeling MAAR net so belangrik vir sy SPRAAKONTWIKKELING.

Hoe kan dit moontlik wees wonder ons? Dus word baba se spraakorgane gebruik vir basiese funksies : suig, sluk, kou voor dit vir spraak gebruik kan word.

Baba se eerste tongbewegings is suig en sluk – ja dis vooroefening vir latere spraak! Baba drink -  hy moet sterk suig – dit versterk lip- en tongspiere wat mondspiere die nodige oefening gee vir latere spraak.

Wanneer baba die eerste keer begin eet is dit baie fyn kos wat baba van lepel kan  ”suig’ . Later word baba gewoond aan die smaak asook vreemde tekstuur en dan hap baba die kos van die lepel af. Nou ja, dis sowaar die vooroefening vir klanke soos P, B en M wat baba in babbelspraak gaan begin gebruik.

Soos die tyd begin stap raak dit tyd vir ‚n vingerkoekie. Baba begin aan koekie suig en kou – weereens vooroefening vir spraak! Om uit ‚n bekertjie te drink is baie goeie oefening vir die lippe.  Om te lek , bv aan roomys is oefening vir die tong. Sodra baba aan ‘n strooitjie kan suig en drink is dit weer fyner lip- en suigaksie.

Al die tongklap- lip- en keelgeluide wat die baba maak terwyl baba babbel is  baie belangrik . Dit sal goed wees om baba dan aan te moedig. Herhaling van geluide en klanke sal spraakspiere nodige oefening laat kry.

Watter voorreg om deel te kan hê aanso mensie se ontwikkeling!

Wat wil jy byvoeg of sê? Deel dit asseblief met ons?