Wanneer baba nie wil begin eet nie

Wanneer baba nie wil eet nie, raak 'n mamma gewoonlik baie bekommerd. Gelukkig tot op 'n jaar is melkies nog baie voedsaam. Dis wel so van 6 maande af wat baba al begin eet. Soms voor dit en soms eers later - want elke baba verskil. As baba kos weier - stop eers vir 'n week of so en probeer dan weer. Daar is baie babas wat regtig nie van pap hou nie. Probeer dalk ook 'n ander tipe pap as baba dit weier. As dit steeds nie werk nie - probeer bv butternut. Dis regtig nie 'n probleem as baba in die begin pampoen in die oggend eet nie - solank baba gewoond raak aan die idee  om kos van lepel te hap en aan die nuwe smaak en tekstuur gewoond kan raak. Vrugte werk gewoonlik goed - maar dis bietjie soeter as groente en mag baba dan nie maklik oor wil gaan na groente nie Wanneer baba reg is sal baba eet. Wanneer baba nie van 'n sekere iets hou nie soos dalk patat - moenie dit net los nie - probeer oor so 2 weke weer dan weer en weer - dit vat hulle maar soms 'n rukkie om aan al die smake en tekstuur gewoond te raak. Wanneer hul al vingerkos kan eet is dit vir hulle lekker om self die kos in hul hand te kan hou en self te eet. Dis baie belangrik om nie te probeer wanneer baba te honger (dors) is of moeg is nie. Voer hom wanneer hy rustig en gelukkig is. Hou net aan en deel met ons wat vir julle gewerk het.